D’Wirts-Family wird also Hundert,
des hat uns do a wengal gwundert.
Schaun rüstig aus, da fehlt koa Maserl,
er a Jogger – sie a Haserl
d’Kinder allseits recht bewundert,
doch – s’is wahr – se werden Hundert.

Und dass se se so fit nu fühl’n,
des liegt wahrscheinlich am Tennis-Spüln,
doch a im Wirtsgschäft tuats oft wurln,
da siagt ma’s dann mit Voigas schurln,
und da wird’s a öfter länger,
weil d’Musi & Feuerwehr bleibt oft hänger.

Wir sagen Dank & lassen bitten,
nehmt’s uns nu recht oft auf in Eurer Hittn,
wir wünschen Euch von ganzen Herzen
Glück, Gsundheit und koane Schmerzen.
Des ois & nu vü mehr,
wünscht d’Musi und die Feuerwehr!